Акцыя “Зрабі шпакоўню – дапамажы птушкам!”
З надыходам вясны з цёплых краёў вяртаюцца птушкі.Ужо ў першыя дні пасля прылёту птушкі пачынаюць займацца сур’ёзнай справай. Самая галоўная для іх –падабраць для сябе жыллё. Гэта справа нялёгкая. Часта на дапамогу прыходзяць людзі. Яшчэ з даўніх часоў зарадзілася традыцыя - выраб шпакоўняў. Гэта традыцыя мае глыбокі сэнс. Дапамагаючы птушкам, людзі стано-вяцца бліжэй да прыроды і лепей разумеюць сваё адзінства з ёй.
Добрую традыцыю падтрымалі вучні Мікуліцкай сярэдняй школы. Яны з задавальненнем уключыліся ў школьную акцыю “Зрабі шпакоўню – дапамажы птушкам!”. З дапамогай бацькоў вучні змайстравалі шпакоўні дома. А калі прыйшоў час падводзіць вынікі - стала зразумела, што гэтая акцыя захапіла дзяцей, што яны праяўляюць любоў і клапатлівасць да птушак! Шпакоўняў атрыма-лася многа! Асабліва, актыўнымі аказаліся вучні пачатковых класаў! Некаторыя вучні падрыхтавалі па 3 і, нават, 4 шпакоўні!
Шпакоўні ўпрыгожаць школьны парк. А спеў птушак каля нашай школы стане больш моцным і вясёлым!
